കൊച്ചി:കോടതിയുടെ വിധിയില് പരിപൂര്ണമായ നീതി കിട്ടിയില്ലെന്ന് സ്പെഷ്യല് പ്രോസിക്യൂട്ടര് അഡ്വ. വി അജകുമാര്.ആറ് പ്രതികളെ 20 വര്ഷം തടവിന് ശിക്ഷിച്ച കോടതി കഠിന തടവും അര ലക്ഷം രൂപ വീതം പിഴയുമാണ് വിചാരണ കോടതി ശിക്ഷ വിധിച്ചത്. വിചാരണ തടവ് കുറച്ച് ശിക്ഷ അനുഭവിച്ചാൽ മതിയാകും. സെന്സേഷനലായ കേസാണെന്നും, പ്രതികളുടെ പ്രായം കൂടി പരിഗണിച്ചാണ് ശിക്ഷയെന്നും കോടതി വ്യക്തമാക്കി. വിചാരണക്കോടതിയായ എറണാകുളം പ്രിന്സിപ്പല് സെഷന്സ് കോടതി ജഡ്ജി ഹണി എം വര്ഗീസാണ് വിധി പ്രസ്താവിച്ചത്.
അഡ്വ. വി അജകുമാര്പറഞ്ഞത് ഇങ്ങനെ ഞങ്ങള് അനുഭവിച്ച പ്രയാസങ്ങള് എല്ലാം പിന്നീട് വേണ്ട സ്ഥലങ്ങളില് വേണ്ട സമയത്ത് അവതരിപ്പിക്കും. വിധിക്കെതിരെ അപ്പീല് പോകാന് സര്ക്കാരിന് ശുപാര്ശ ചെയ്യുമെന്നും സ്പെഷ്യല് പ്രോസികൂട്ടര് അറിയിച്ചു. തെളിവുകള് സമര്പ്പിക്കാത്തത് കൊണ്ടല്ല, തെളിവുകള് സ്വീകരിക്കാതെ പോവുകയാണ് ഉണ്ടായത്. എട്ടാം പ്രതിയെ വിട്ടുപോയതിനുള്ള കാരണം ഉള്പ്പെടെ വിധി പകര്പ്പ് കിട്ടിയ ശേഷം മാത്രമാകും വ്യക്തമാവുക എന്നും സ്പെഷ്യല് പ്രോസിക്യൂട്ടര് മാധ്യമങ്ങളോട് പ്രതികരിച്ചു.കുറ്റകൃത്യത്തില് ഏര്പ്പെട്ടവര്ക്ക് ശിക്ഷ ലഭിച്ചു, വിധിയെ വിമര്ശിക്കാം, ന്യായാധിപരെ വിമര്ശിക്കുന്നത് ശരിയല്ല: മന്ത്രി പി രാജീവ് വ്യക്തമാക്കി.
