ഉപരാഷ്ട്രപതിയുടെ സന്ദർശനം .കൊല്ലം നഗരത്തിൽ ഗതാഗത നിയന്ത്രണം ഏർപ്പെടുത്തി.

കൊല്ലം: ഉപരാഷ്ട്രപതിയുടെ സന്ദർശനം .കൊല്ലം നഗരത്തിൽ ഗതാഗത നിയന്ത്രണം ഏർപ്പെടുത്തി.
ഇന്ന് ഉച്ചയ്ക്ക് 12 മണി മുതൽ വൈകിട്ട് ആറുമണിവരെയാണ് ഗതാഗത നിയന്ത്രണം ഏർപ്പെടുത്തിയിട്ടുള്ളത്. ഇതനുസരിച്ച് തിരുവനന്തപുരത്ത് നിന്നും ആലപ്പുഴയ്ക്ക് പോകേണ്ട വാഹനങ്ങളും ആലപ്പുഴ ഭാഗത്ത് നിന്നും തിരുവനന്തപുരത്തേക്ക് പോകണ്ട വാഹനങ്ങളും പൂർണമായും ബൈപ്പാസ് വഴി പോകേണ്ടതാണ് തിരുവനന്തപുരത്തുനിന്നും നഗരത്തിലെത്തേണ്ട വാഹനങ്ങൾ എസ് എൻകോളേജ് ജംഗ്ഷൻ കഴിഞ്ഞ് റെയിൽവേ ഓവർ ബ്രിഡ്ജ് കയറി കൊച്ചുപിലാമൂട് വ ബീച്ച് റോഡ് , വാടി , വെള്ളയിട്ടമ്പലം വഴി ആൽത്തറമൂട് ബൈപ്പാസിൽ എത്തേണ്ടതും ആലപ്പുഴ ഭാഗത്തുനിന്നും നഗരത്തിലെത്തേണ്ട വാഹനങ്ങൾ ആൽത്തറ മൂട്
നിന്നും തിരിഞ്ഞ് വെള്ളയിട്ടമ്പലം വാടി ബീച്ച് റോഡ്, കൊച്ച് പിലാമൂട് ആർ ഓ ബി, എസ് എൻ കോളേജ് വഴി പോകേണ്ടതാണ്. അഞ്ചാലുംമൂട് നിന്നും കൊല്ലത്തേക്ക് വരുന്ന വാഹനങ്ങൾ കടവൂർ ജംഗ്ഷനിൽ എത്തി വലത്തേക്ക് തിരിഞ്ഞ്, കുരീപ്പുഴപാലം, ആൽത്തറമൂട് വഴി ദേശീയപാതയിൽ എത്തി വെള്ളയട്ടയമ്പലം , വാടി ബീച്ച് റോഡ് വഴി കൊല്ലം നഗരത്തിൽ എത്തേണ്ടതാണ്. കൊല്ലം നഗരത്തിൽ നിന്നും അഞ്ചാലുംമൂട് ഭാഗത്തേക്ക് പോകേണ്ട വാഹനങ്ങൾ ഹൈസ്കൂൾ ജംഗ്ഷൻ വെള്ളയിട്ടമ്പലം, ആൽത്തറമോട് ബൈപ്പാസിൽ എത്തി വലത് തിരിഞ്ഞ് കുരീപ്പുഴ പാലം കടവൂർ വഴി അഞ്ചാലുംമൂട്ടിലേക്ക് പോകേണ്ടതാണ്. നിയന്ത്രണ സമയത്ത് ആശ്രമം ,ചിന്നക്കട, റെയിൽവേ സ്റ്റേഷൻ ചെമ്മാമുക്ക് റോഡിലും താലൂക്ക് ,ഹൈസ്കൂൾ ജംഗ്ഷൻ, തേവള്ളി, കടവൂർ വരെയുള്ള റോഡിലും ഗതാഗതമോ പാർക്കിംഗോ അനുവദിക്കുന്നതല്ല. റെയിൽവേ സ്റ്റേഷനിൽ എത്തേണ്ടവർ കൊല്ലം ചെങ്കോട്ട റോഡിലുള്ള രണ്ടാം ടെർമിനൽ ഉപയോഗിക്കേണ്ടതാണ് .താഴെ പറയുന്ന സ്കൂളുകൾക്ക് നാളെ ഉച്ച വരെ മാത്രമേ പ്രവർത്തനം ഉണ്ടായിരിക്കുകയുള്ളൂ. ഉച്ചകഴിഞ്ഞ് ജില്ലാ കളക്ടർ അവധി പ്രഖ്യാപിച്ചു.1. ക്രിസ്തുരാജ് ഹയർ സെക്കൻഡറി സ്കൂൾ
2. എസ് എൻ ട്രസ്റ്റ് ഹയർ സെക്കൻഡറി സ്കൂൾ
3. എസ് എൻ ട്രസ്റ്റ് സെൻട്രൽ സ്കൂൾ
4. ടി കെ ഡി എം ജി എച്ച്എസ്എസ്
5. സെൻറ് അലോഷ്യസ് എച്ച്എസ്എസ്
6. വിമല ഹൃദയ എച്ച്എസ്എസ്
7. വിമലാഹൃദയ എൽ പി
8. പട്ടത്താനം എസ്എൻഡിപി യുപിഎസ്
9. കൊല്ലം ബോയ്സ് ജിഎച്ച്എസ്എസ്
10. കൊല്ലം ഗേൾസ് എച്ച് എസ്
11. വെസ്റ്റ് കൊല്ലം ജിഎച്ച്എസ്എസ്
12. വള്ളിക്കീഴ് ജിഎച്ച്എസ്എസ്
13. മൗണ്ട് കാർമൽ ഇംഗ്ലീഷ് മീഡിയം ഐസിഎസ്
14. ഇൻഫന്റ് ജീസസ് ഐ സി എസ് സി
15. സെൻറ് ജോസഫ് എച്ച്എസ്എസ
16. ട്രിനിറ്റി ലിസിയം ഐസിഎസ്ഇ
17. സെൻറ് ജോസഫ് എൽപിഎസ്
18. അഞ്ചാലുംമൂട് ജിഎച്ച്എസ്എസ്
19. അഞ്ചാലുംമൂട് എൽപിഎസ്
20. നീരാവിൽ എസ്എൻഡിപി എച്ച്എസ്എസ്
21. കുരീപ്പുഴ യുപിഎസ്
22. നീരാവിൽ എൽപിഎസ്
23. മലയാളിസഭ എൽപിഎസ്
24. ഗവൺമെൻറ് ടൗൺ യുപിഎസ് കൊല്ലം
25. സെന്റ് ജോർജ് യുപിഎസ് കടവൂർ
26. സെൻറ് ജോസഫ് കോൺവെൻറ് ഐസിഎസ്ഇ ആൻഡ് സിബിഎസ്ഇ