തിരുവനന്തപുരം: മാസങ്ങൾക്ക് മുന്നേ തൊടുത്തു വിട്ട വാർത്ത രാഹൂലിൻ്റെ പല സ്ഥാനങ്ങളും തെറിക്കുകയും കോൺഗ്രസിൽ നിന്ന് സസ്പെൻ്റ് ചെയ്യുകയും ചെയ്ത സാഹചര്യം നിലവിലുണ്ട്. എന്നാൽ അക്കാര്യങ്ങൾക്കൊന്നും പരാതി കിട്ടാത്തതിനാൽ മാഞ്ഞുപോയ്ക്കൊണ്ടിരിക്കുകയും രാഹൂൽ പാലക്കാട് പിടിച്ചു കയറാനുള്ള യാത്രയിലാണ് മറ്റൊരു ചാനലിൽ സംപ്രേഷണം ചെയ്തത്. പഴയ കുരുക്ക് പുതിയ രൂപത്തിൽ വന്നതും ചർച്ച വഴിമാറ്റിയതും രാഹൂൽ അസ്വസ്ഥനായി മാറി. ഇനിയുള്ള മണിക്കൂറുകൾ രാഹുലിന് നിർണ്ണായകമാണ്.
യുവതിയെ രാഹുൽ ഗര്‍ഭധാരണത്തിനും ഗര്‍ഭഛിദ്രത്തിനും പ്രരിപ്പിക്കുന്ന ശബ്ദരേഖയായിരുന്നു പുറത്തുവന്നത്. തദ്ദേശ തിരഞ്ഞെടുപ്പ് അടുക്കെ രാഹുലിനെതിരായ ആരോപണങ്ങൾ വീണ്ടും വിവാദമായതോടെ വിഷയത്തിൽ പ്രതികരണവുമായി എത്തിയിരിക്കുകയാണ് രാഹുൽ മാങ്കൂട്ടത്തിൽ.
കഴിഞ്ഞ മൂന്നു മാസമായി ഈ ആരോപണങ്ങൾ തന്നെയാണ് തിരിച്ചും മറിച്ചും പറഞ്ഞുകൊണ്ടിരിക്കുന്നതെന്നും പുതിയതായി ഒന്നും ഇല്ലെന്നും രാഹുൽ പറഞ്ഞു. അന്വേഷണം നടക്കുന്നുണ്ടെന്നും എല്ലാ രീതിയിലും അതിനോട് സഹകരിക്കുമെന്നും രാഹുൽ മാധ്യമങ്ങളോട് പ്രതികരിച്ചു. അന്വേഷണത്തിന്റെ ഒരു ഘട്ടം കഴിഞ്ഞ ശേഷം തനിക്ക് പറയാനുള്ളത് പറയുമെന്നും രാഹുൽ വ്യക്തമാക്കി.
അതേസമയം, ശബ്ദരേഖയും വാട്സാപ് ചാറ്റും തന്റേതാണെന്ന് സമ്മതിക്കുന്നുണ്ടോ എന്ന ചോദ്യത്തിന് രാഹുൽ മാങ്കൂട്ടത്തിൽ കൃത്യമായ ഉത്തരം നൽകിയില്ല. ‘എന്റേതെന്ന് പറഞ്ഞ് ഒരു ശബ്ദസന്ദേശം പുറത്തുവിടുമ്പോള്‍ അത് നിങ്ങള്‍ സ്ഥിരീകരിക്കേണ്ടതുണ്ടായിരുന്നു. അത് ചെയ്യാതെ ഈ സന്ദേശം കൊടുത്തിട്ട് എന്നോടെന്തിനാ ചോദിക്കുന്നത്. അന്വേഷണത്തോട് സഹകരിക്കുമെന്ന് ആദ്യം മുതലേ ഞാന്‍ പറയുന്നുണ്ട്. നീതിന്യായ കോടതിയിൽ നിരപരാധിത്വം ബോധ്യപ്പെടുത്തുമെന്നും അതിനു ശേഷം ജനങ്ങളോട് തനിക്ക് പറയാനുള്ളത് വ്യക്തമാക്കുമെന്നും,’ രാഹുൽ പറഞ്ഞു.ഇന്ന് പാലക്കാട്ട് പ്രതിപക്ഷ നേതാവ് പങ്കെടുക്കുന്ന യൂഡിഎഫ് യോഗത്തിൽ രാഹൂൽ മാങ്കുട്ടത്തിൽ പങ്കെടുക്കാൻ സാധ്യത കുറവാണ് എന്നാണ് അദ്ദേഹത്തോട് അടുപ്പമുള്ളവർ പറയുന്നത്. രമേശ് ചെന്നിത്തല കടുത്ത ഭാഷയിൽ പ്രതികരിക്കുമ്പോഴും കെ മുരളിധരനും കെ.പി സി സി പ്രസിഡൻ്റ് സണ്ണി ജോസഫും അയഞ്ഞാണ് പ്രതികരിച്ചത്.
