കോഴിക്കോട്:കേരള ലൈവ് സ്റ്റോക്ക് ഇൻസ്പെക്ടേഴ്സ് യൂണിയൻ സംസ്ഥാന സമ്മേളനംഫെബ്രുവരി 11, 12 തീയതികളിൽ കോഴിക്കോടു ചേരുകയാണ്. സമ്മേളനത്തിൻ്റെ വിജയത്തിനായി സംഘാടക സമിതി രൂപീകരിച്ചു. സംസ്ഥാന പ്രസിഡൻ്റ് എൻ. കൃഷ്ണകുമാറിൻ്റെ അദ്ധ്യക്ഷതയിൽ ചേർന്ന യോഗം സി.പി ഐ ജില്ലാ സെക്രട്ടറി പി.ഗവാസ് ഉദ്ഘാടനം ചെയ്തു. തൊഴിലാളിവിരുദ്ധ നിയമങ്ങൾ നടപ്പാക്കുന്ന കേന്ദ്രനയങ്ങൾ തൊഴിൽ മേഖലയെ അസ്ഥിരപ്പെടുത്തുമെന്നും തൊഴിൽ മേഖലയെ ബാധിക്കുന്ന വിഷയങ്ങളിൽ കൂട്ടായ പ്രതിരോധം വളർന്നു വരണമെന്നും സമ്മേളനം ഉദ്ഘാടനം ചെയ്തു കൊണ്ട് ഗവാസ് പറഞ്ഞു. ടി.വി. ബാലൻ, പി. കെ. നാസർ, പി.വി മാധവൻ, അഹമ്മദ് കുട്ടി കുന്നത്ത്, കെ.സി. സുരേഷ് ബാബു, ടി. എം. സജീന്ദ്രൻ, പി.സുനിൽകുമാർ, എം.സച്ചിദാനന്ദൻ,പി.റാം മനോഹർ, ജയകുമാരി, ബിനീഷ്കുമാർ, എ.സി. രാജേഷ്, എൻ. ജയകുമാർ,ടി ഹനീഷ് എന്നിവർ സംസാരിച്ചു.സംഘാടക സമിതി ചെയർമാനായി പി ഗവാസിനേയും ജനറൽ കൺവീനറായി എം. സച്ചിദാനന്ദനേയും തിരഞ്ഞെടുത്തു.
കേരള ലൈവ് സ്റ്റോക്ക് ഇൻസ്പെക്ടേഴ്സ് യൂണിയൻ സംസ്ഥാന സമ്മേളനംസംഘാടക സമിതി രൂപീകരിച്ചു.
