കൊല്ലം സിറ്റി പോലീസിന്റെ നേതൃത്വത്തിൽ ഗാർഹികപീഢനം അനുഭവിക്കുന്നവർക്ക് മാനസിക പിന്തുണ നൽകുന്നതിനും നിയമപരിരക്ഷ ഉറപ്പ് വരുത്തുന്നതിനും ശാക്തികരിക്കുന്നതിനുമായി അതിജീവിതകളുടെ സംഗമം സംഘടിപ്പിക്കുന്നു. രാവിലെ 10 മണിക്ക് കൊല്ലം ജില്ലാപഞ്ചായത്ത് ജയൻ സ്മാരക ഹാളിൽ വച്ച് നടക്കുന്ന ചടങ്ങിന്റെ ഉദ്ഘാടനം പോലീസ് ഹെഡ്‌ക്വോർട്ടേഴ്‌സ് എ.ഡി.ജി.പി എസ്. ശ്രീജിത്ത് ഐപിഎസ് നിർവ്വഹിക്കും. ജില്ലാ പോലീസ് മേധാവി കിരൺ നാരായണൻ ഐ.പി.എസ് ന്റെ അധ്യക്ഷതയിൽ ചേരുന്ന യോഗത്തിൽ സോഷ്യൽ പോലീസിങ്ങിന്റെ സ്റ്റേറ്റ് നോഡൽ ഓഫീസർ ആയ തിരുവനന്തപുരം റേഞ്ച് ഡിഐജി എസ്.അജീത ബേഗം ഐ.പി.എസ് വിഷയാവതരണം നിർവ്വഹിക്കുന്നതാണ്. തുടർന്ന് ഗാർഹിക അതിക്രമവും നിയമ പരിരക്ഷയും, വുമൺ പ്രൊട്ടക്ഷൻ ഓഫീസും സേവനങ്ങളും, അതിജീവിതകൾക്കുള്ള സ്‌നേഹിത പിന്തുണയും കുടുംബശ്രീ സേവനങ്ങളും എന്നീ വിഷയങ്ങളിൽ പ്രഗത്ഭർ ക്ലാസുകൾ നയിക്കും. ചടങ്ങിൽ നർക്കോട്ടിക്ക് സെൽ എ.സി.പി ജോസ് ഫിലിപ്പ് സ്വാഗതം ആശംസിക്കുകയും ജില്ലാ സ്‌പെഷ്യൽ ബ്രാഞ്ച് എ.സി.പി എ.പ്രതീപ്കുമാർ കൃതജ്ഞത പ്രകാശിപ്പിക്കുകയും ചെയ്യുന്നു.
ഗാർഹികപീഢന അതിജീവിതകളുടെ സംഗമം സംഘടിപ്പിക്കുന്നു,ജില്ലാപഞ്ചായത്ത് ജയൻ സ്മാരക ഹാളിൽ
