തെക്കുംഭാഗം; ക്ഷേത്ര ഉത്സവത്തിനിടയില് സംഘര്ഷമുണ്ടാക്കുന്നത് പിന്തിരിപ്പിക്കാനായെത്തിയ പോലീസ് ഉദ്യോഗസ്ഥരെ ആക്രമിച്ച സംഘത്തിലെ ഒരാള് പോലീസിന്റെ പിടിയിലായി. തേവലക്കര, കോയിവിള, മാമ്പുഴ പടിഞ്ഞാറ്റതില്, പ്രകാശന് മകന് ബിജു (21) ആണ് തെക്കുംഭാഗം പോലീസിന്റെ പിടിയിലായത്. ഏപ്രില് മാസം പത്താം തീയതി വെളുപ്പിന് തുമ്പകുളം ക്ഷേത്ര ഉത്സവത്തിനിടയില് ഉണ്ടായ സംഘര്ഷം പരിഹരിക്കാനെത്തിയ തെക്കുംഭാഗം സബ് ഇന്സ്പെക്ടര് മണിലാലിനേയും സംഘത്തെയും പ്രതി ചീത്തവിളിക്കുകയും തറയില് കിടന്ന പാറകല്ല് എടുത്ത് മണിലാലിന്റെ മുഖത്ത് എറിഞ്ഞ് പരിക്കേല്പ്പിക്കുകയുമായിരുന്നു. സംഭവ സ്ഥലത്തേക്ക് എത്തിയ തെക്കുംഭാഗം ഇന്സ്പെക്ടറെ പ്രതി കോണ്ക്രീറ്റ് കട്ട ഉപയോഗിച്ച് എറിഞ്ഞ് പരിക്കേല്പ്പിച്ചു. ഇയാള്ക്കും സംഘത്തിനുമെതിരെ കേസ് രജിസ്റ്റര് ചെയ്ത പോലീസ് പ്രതിയെ കണ്ടെത്തി അറസ്റ്റ് ചെയ്യുകയായിരുന്നു. തെക്കുംഭാഗം പോലീസ് ഇന്സ്പെക്ടര് പ്രസാദിന്റെ നേതൃത്വത്തില് സിപിഒ മാരായ അനീഷ്, ഹരീഷ്, അഫ്സല് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.
Related News
വയനാട്ടിലെ ദുരന്തബാധിത മേഖലകളിൽ പത്തുനാൾ നീണ്ട രക്ഷാദൗത്യം അവസാനിപ്പിച്ച് സൈന്യം മടങ്ങുന്നു.
വയനാട്ടിലെ ദുരന്തബാധിത മേഖലകളിൽ പത്തുനാൾ നീണ്ട രക്ഷാദൗത്യം അവസാനിപ്പിച്ച് സൈന്യം മടങ്ങുന്നു. തിരുവനന്തപുരം, കണ്ണൂർ, കോഴിക്കോട്, ബെംഗളൂരു ബറ്റാലിയനുകളിലെ 500 അംഗ സംഘമാണ് മുണ്ടക്കൈ, ചൂരൽമല മേഖലകളിൽനിന്ന്…
“ലോക കായിക മാമാങ്കത്തിന് പാരീസിൽ ഇന്ന് ഔദ്യോഗിക തുടക്കം: എല്ലാ കണ്ണുകളും സെൻ നദിയിലേക്ക്”
പാരീസ്:മുപ്പതാം ഒളിമ്പിക്സിന് ഇന്ന് പാരീസിൽ ഔദ്യോഗിക തുടക്കമാകും. പാരീസ് നഗരത്തിനെ ചുറ്റിയൊഴുകുന്ന സെൻ നദിയിലേക്ക് ലോക കായിക ലോകം ഇന്ന് ചുരുങ്ങും. ഇതാദ്യമായാണ് സ്റ്റേഡിയത്തിന് പുറത്ത് ഒളിമ്പിക്സിന്റെ…
ജില്ലാ കളക്ടറായി ഡി.ആര് മേഘശ്രീ ചുമതലയേറ്റു,ഭരണ സംവിധാനം കൂടുതല് ജനസൗഹൃദമാക്കും.
വയനാടിന്റെ 35-ാമത് ജില്ലാ കളക്ടറായി ഡി.ആര് മേഘശ്രീ ചുമതലയേറ്റു. ഭരണ സംവിധാനം കൂടുതല് ജനസൗഹൃദമാക്കുമെന്നും വയനാട് ജില്ലാ കളക്ടറായി പ്രവര്ത്തിക്കാന് കിട്ടിയ അവസരം മികച്ചതാണെന്നും കളക്ടര് ഡി.ആര്…