കേരളത്തിൽ എന്‍സിപി പിളർന്നു, ഒരു വിഭാഗം യുഡിഎഫിൽ.

തിരുവനന്തപുരം. കേരളത്തിൽ എന്‍സിപി പിളർന്നു. സംസ്ഥാന എക്സിക്യൂട്ടീവ് അംഗം റെജി ചെറിയാൻ്റെ നേതൃത്വത്തിൽ
ഒരു വിഭാഗം പ്രവർത്തകർ കേരള കോൺഗ്രസ് ജോസഫ് വിഭാഗത്തിനൊപ്പം ചേർന്ന് യുഡിഎഫിൻ്റെ ഭാഗമായി. പി സി ചാക്കോയ്ക്കൊപ്പം നിന്നവരാണ് പാർട്ടി വിട്ടത്. അടുത്ത മാസം ആലപ്പുഴയിൽ ലയനസമ്മേളനം നടത്തും. എന്‍സിപിയില്‍ 40 വര്‍ഷത്തോളം പ്രവര്‍ത്തിച്ചവരാണ് പാര്‍ട്ടിവിടുന്നതെന്ന് റെജി ചെറിയാൻ വാര്‍ത്താസമ്മേളനത്തില്‍ പറഞ്ഞു. സംസ്ഥാന നേതൃത്വത്തിൻ്റെ അടക്കം പക്ഷപാതപരമായ നിലപാടിൽ പ്രതിഷേധിച്ചാണ് പാർട്ടി വിടുന്നതെന്ന് നേരത്തെ തന്നെ നേതാക്കൾ വ്യക്തമാക്കിയിരുന്നു. കുട്ടനാട് എംഎല്‍എ തോമസ് കെ തോമസ് എന്‍സിപി യിൽ ഏത് വിഭാഗത്തിനൊപ്പമാണെന്ന് അദ്ദേഹത്തിന് തന്നെ അറിയില്ല. കേരളത്തിൽ ഒരു മന്ത്രിയെ കൊണ്ട് തന്നെ എന്‍സിപി പൊറുതിമുട്ടിയിരിക്കുകയാണെന്നും റെജി ചെറിയാൻ പരിഹസിച്ചു.