കുട്ടിയുടെ കരച്ചിൽ കേൾക്കുമ്പോൾ എന്തു സത്യം എന്നു കൂടി ചോദിക്കപ്പെടണം.
മക്കയിലെ ഒരു മസ്ജിദിൽ അനാചാരം കാട്ടിയതിന് രണ്ട് ബംഗ്ലാദേശ് സ്വദേശികളെ സൗദി അറേബ്യ വധശിക്ഷയ്ക്ക് വിധേയമാക്കിയ സംഭവം ഇപ്പോൾ ഓൺലൈൻ ഗ്രൂപ്പുകളിലും സോഷ്യൽ മീഡിയയിലും വലിയ തോതിൽ ചർച്ചയാവുകയാണ്. എന്നാൽ ഇതിനോടകം തന്നെ ഈ സംഭവത്തെ കുറിച്ച് വലിയ രീതിയിലുള്ള വ്യാജ പ്രചാരണങ്ങളും കഥകളും ഇന്റർനെറ്റിൽ പടർന്നു കഴിഞ്ഞു. എന്താണ് ഇതിന്റെ യഥാർത്ഥ വശം എന്ന് പരിശോധിക്കാം.വ്യാജ പ്രചാരണം: ശിക്ഷിക്കപ്പെട്ടവർ ദിവസങ്ങൾക്ക് മുൻപ് വിവാഹിതരായ നവദമ്പതികളാണെന്നും, ഭർത്താവ് ഭാര്യയുടെ നെറ്റിയിൽ ചുംബിച്ചതിനാണ് (Forehead kiss) അല്ലെങ്കിൽ കെട്ടിപ്പിടിച്ചതിനാണ് സൗദി ഭരണകൂടം മരണശിക്ഷ നൽകിയതെന്നുമാണ് പലരും പ്രചരിപ്പിക്കുന്നത്. യഥാർത്ഥ വസ്തുത: ഔദ്യോഗിക രേഖകൾ പ്രകാരം ഇവർ ഭാര്യയും ഭർത്താവുമല്ല, വിവാഹിതരായ ദമ്പതികളുമല്ല. സൗദിയിലുള്ള ലേബർ വിംഗിൽ നിന്നും ബംഗ്ലാദേശ് വിദേശകാര്യ മന്ത്രാലയത്തിന് ലഭിച്ച ഔദ്യോഗിക വിവരങ്ങൾ അനുസരിച്ച് ഇവർക്കെതിരെ ചുമത്തപ്പെട്ടത് വ്യഭിചാര കുറ്റമാണ് (Adultery). വധശിക്ഷയ്ക്ക് വിധേയനായ നസ്രുൽ ഇസ്‌ലാമിന്റെ പിതാവും മാധ്യമങ്ങളോട് വ്യക്തമാക്കിയത് ഈ സ്ത്രീ തന്റെ മകന്റെ ഭാര്യയല്ലെന്നും, അവർ തമ്മിൽ വിവാഹബന്ധമില്ലെന്നുമാണ്. ഓൺലൈൻ പേജുകൾ ആളുകളെ ആകർഷിക്കാൻ വേണ്ടി കെട്ടിച്ചമച്ച കഥ മാത്രമാണ് “നവദമ്പതികളുടെ ചുംബനം” എന്നത്.ഔദ്യോഗികമായി പുറത്തുവന്ന വിവരങ്ങൾ:
ശിക്ഷ നടപ്പാക്കിയ തീയതി: നസ്രുൽ ഇസ്‌ലാം അബ്ദുൽ ബസീർ, സിതി അക്തർ എന്നീ രണ്ട് ബംഗ്ലാദേശി പൗരന്മാരുടെ വധശിക്ഷ 2026 ഒക്ടോബർ 14-നാണ് മക്ക റീജിയണിൽ വെച്ച് നടപ്പാക്കിയത്.
ചുമത്തപ്പെട്ട കുറ്റം: മക്കയിലെ ഒരു മസ്ജിദിനുള്ളിൽ വെച്ച് പള്ളിയുടെ പവിത്രതയ്ക്ക് നിരക്കാത്ത രീതിയിൽ കടുത്ത അസഭ്യമായ/ലൈംഗികപരമായ പ്രവൃത്തികളിൽ (Indecent / Sexual acts) ഏർപ്പെട്ടു എന്നതാണ് ഇവർക്കെതിരെയുള്ള കുറ്റം.
ശിക്ഷാ വിധിക്ക് പിന്നിലെ നിയമം: ഇസ്‌ലാമിക നിയമപ്രകാരം ജഡ്ജിയുടെ വിവേചനാധികാരത്തിൽ വരുന്ന ‘തഅ്സീർ’ (Ta’zir) നിയമപ്രകാരമാണ് കേസ് പരിഗണിച്ച പ്രത്യേക കോടതി ഇവർക്ക് മരണശിക്ഷ വിധിച്ചത്. ആരാധനാലയത്തിന്റെ പവിത്രതയും ആദരവും ലംഘിച്ച കുറ്റത്തിന്റെ ഗൗരവം കണക്കിലെടുത്താണ് കോടതി ഇത്തരമൊരു കടുത്ത ശിക്ഷ നൽകിയതെന്ന് സൗദി ആഭ്യന്തര മന്ത്രാലയം ഔദ്യോഗിക പ്രസ്താവനയിലൂടെ വ്യക്തമാക്കിയിട്ടുണ്ട്.#മസ്ജിദിന്റെ പവിത്രത കാത്തുസൂക്ഷിക്കേണ്ടത് അത്യാവശ്യമാണെന്ന കാര്യത്തിൽ ആർക്കും തർക്കമുണ്ടാകില്ല. എങ്കിൽപ്പോലും, ഈ കേസിൽ പ്രതികൾക്ക് മരണശിക്ഷ നൽകിയ നടപടി കടുത്തതായിപ്പോയി എന്നൊരു അഭിപ്രായം പല കോണുകളിൽ നിന്നും ഉയരുന്നുണ്ട്. പള്ളിക്കുള്ളിൽ അനാചാരം കാട്ടി എന്ന കുറ്റത്തിന് വധശിക്ഷയ്ക്ക് പകരം, ദീർഘകാലത്തെ ജയിൽ ശിക്ഷയോ, കടുത്ത പിഴയോ, അല്ലെങ്കിൽ നാടുകടത്തൽ പോലെയുള്ള മറ്റ് കടുത്ത ശിക്ഷകളോ നൽകാമായിരുന്നു.
ഒരു മനുഷ്യന്റെ ജീവൻ എടുക്കുന്ന രീതിയിലുള്ള മരണശിക്ഷയ്ക്ക് പകരം, തെറ്റുകൾ തിരുത്താനും പശ്ചാത്തപിക്കാനും അവസരം നൽകുന്ന തരത്തിലുള്ള ശിക്ഷാ നടപടികളായിരുന്നു ഇവിടെ സ്വീകരിക്കേണ്ടിയിരുന്നത് എന്ന വിലയിരുത്തലുകൾക്കാണ് പലരും മുൻഗണന നൽകുന്നത്. എങ്കിലും, സൗദി നിയമവ്യവസ്ഥ അതിന്റെ പരമാധികാര പരിധിയിൽ നിന്നുകൊണ്ട് എടുത്ത ഈ തീരുമാനത്തെക്കുറിച്ചുള്ള ചർച്ചകൾ വരും ദിവസങ്ങളിലും തുടരുമെന്നുറപ്പാണ്.
ശിക്ഷ നടപ്പാക്കുന്നതിനെക്കുറിച്ച് തങ്ങൾക്ക് മുൻകൂട്ടി അറിയിപ്പ് ലഭിച്ചിരുന്നില്ലെന്ന് ബംഗ്ലാദേശ് സർക്കാർ വ്യക്തമാക്കിയിട്ടുണ്ട്. സംഭവത്തിന്റെ കൂടുതൽ കേസ് വിവരങ്ങൾ ആവശ്യപ്പെട്ട് ബംഗ്ലാദേശ് വിദേശകാര്യ മന്ത്രാലയം സൗദി ഭരണകൂടത്തിന് ഔദ്യോഗികമായി കത്ത് നൽകിയിട്ടുമുണ്ട്.
എന്നാൽ പ്രചരിക്കുന്ന മറ്റൊരു വീഡിയോ ഉണ്ട്. ഖബറിന്റെ മുന്നിൽ കരയുന്ന കുട്ടിയുടെ വീഡിയോ അവൾ ഉമ്മയെ വിളിച്ചാണ് കരയുന്നത്. ഈ കേസുമായി വല്ല ബന്ധവും ഉണ്ടോ എന്നു പരിശോധിക്കണം. യു.പി യുകെ ന്യൂസ് ആ വീഡിയോ പുറത്തുവിട്ടിരിക്കുന്നത്.മനുഷ്യാവകാശ ലംഘനം തന്നെയാണ്. ഒരു ചുംബനത്തിന്റെ പേരിൽ ആറാം നൂറ്റാണ്ടിലേക്ക് മടങ്ങിപ്പോയവരുടെ കാര്യം കഷ്ടം എന്നല്ലാതെ എന്ത് പറയാൻ
