കേരളത്തില്‍ വ്യവസായ ലൈസന്‍സ് നടപടികള്‍ വേഗത്തിലാക്കാന്‍ ലക്ഷ്യമിട്ട് സര്‍ക്കാര്‍ കൊണ്ടുവന്ന ‘സരള്‍ ബില്‍’ പ്രതിപക്ഷ പ്രതിഷേധത്തിനിടയില്‍ നിയമസഭ പാസാക്കി.

തിരുവനന്തപുരം:കേരളത്തില്‍ വ്യവസായ ലൈസന്‍സ് നടപടികള്‍ വേഗത്തിലാക്കാന്‍ ലക്ഷ്യമിട്ട് സര്‍ക്കാര്‍ കൊണ്ടുവന്ന ‘സരള്‍ ബില്‍’ പ്രതിപക്ഷ പ്രതിഷേധത്തിനിടയില്‍ നിയമസഭ പാസാക്കി. ബില്ലിനെതിരെ ശക്തമായ പ്രതിഷേധം രേഖപ്പെടുത്തിയ പ്രതിപക്ഷം സഭ ബഹിഷ്കരിച്ചു. അതേസമയം, ബില്ലിനെച്ചൊല്ലി ഭരണപക്ഷത്തും ഭിന്നത പ്രകടമായി. അമ്പലപ്പുഴ എം.എല്‍.എ ജി. സുധാകരന്‍ ബില്ലിനെതിരെ രൂക്ഷമായ വിമര്‍ശനവുമായി രംഗത്തെത്തി. സരള്‍ ബില്‍ സര്‍ക്കാരിന് വലിയ ബാധ്യതയാകുമെന്നും ഇത് വനപ്രദേശം കുറയാന്‍ ഇടയാക്കുമെന്നും അദ്ദേഹം മുന്നറിയിപ്പ് നല്‍കി. വാദ പ്രതിവാദത്തിനല്ല താന്‍ പറയുന്നതെന്നും വനപ്രദേശം കുറയാന്‍ ഇത് കാരണമാകുമെന്നും അദ്ദേഹം ചൂണ്ടിക്കാട്ടി. ഇത് കരാള ബില്ലാണെന്നും എന്താണ് ഇതിന്റെ അര്‍ത്ഥമെന്നും അദ്ദേഹം ചോദിച്ചു.

2026 ഒക്ടോബർ 15-ന് കേരള നിയമസഭയിൽ അവതരിപ്പിച്ച വ്യവസായ സൗഹൃദ ബില്ലാണ് സരൾ കേരള ബില്ല് (SARAL Keralam Bill – Simplified and Accelerated Regulatory Approvals and Licensing).

പ്രധാന ലക്ഷ്യങ്ങളും സവിശേഷതകളും

* വൺ സ്റ്റേറ്റ്, വൺ അപ്രൂവൽ, വൺ ഡോക്യുമെന്‍റ് (OSAD): വ്യവസായ സംരംഭങ്ങൾക്ക് ആവശ്യമായ ലൈസൻസുകളും പെർമിറ്റുകളും ഒരൊറ്റ ചാനലിലൂടെ നൽകുന്നതിനായി ‘സിംഗിൾ സ്റ്റാറ്റ്യൂട്ടറി അതോറിറ്റി’ (SSA) രൂപീകരിക്കുന്നു.
* സമയബന്ധിതമായ അനുമതി: പരമാവധി 75 ദിവസത്തിനുള്ളിൽ മൂല്യനിർണ്ണയങ്ങളും നിർബന്ധിത അനുമതികളും പൂർത്തിയാക്കുകയാണ് ലക്ഷ്യം.
* നിയമ ഭേദഗതികൾ: പദ്ധതി നടപ്പിലാക്കുന്നതിനായി നിലവിലുള്ള 19 പ്രധാന നിയമങ്ങളിൽ ഭേദഗതികൾ വരുത്താൻ തീരുമാനിച്ചിട്ടുണ്ട്.
* സബ്ജക്ട് കമ്മിറ്റിക്ക് വിട്ടു: ബില്ലിലെ വ്യവസ്ഥകൾ വിശദമായി പരിശോധിക്കുന്നതിനായി നിയമസഭ ഇത് സബ്ജക്ട് കമ്മിറ്റിക്ക് കൈമാറിയിരിക്കുകയാണ്.

പ്രധാന വിമർശനങ്ങളും ആശങ്കകളും

* പരിസ്ഥിതി – നെൽവയൽ സംരക്ഷണം: 2008-ലെ കേരള നെൽവയൽ, തണ്ണീർത്തട സംരക്ഷണ നിയമം തുടങ്ങിയവയെ ഇത് ബാധിക്കുമെന്നും, വയലുകൾ മാഫിയകൾക്ക് തീറെഴുതുന്ന അവസ്ഥ വരുമെന്നും പ്രതിപക്ഷം (പിണറായി വിജയൻ ഉൾപ്പെടെയുള്ളവർ) ആരോപിക്കുന്നു.
* തദ്ദേശ സ്വയംഭരണ അധികാരം: തദ്ദേശ സ്ഥാപനങ്ങളുടെ അധികാരങ്ങൾ കുറയ്ക്കുമെന്നും കോർപ്പറേറ്റുകൾക്ക് വഴിവിട്ട് സഹായം നൽകുന്നതാണ് ഈ ബില്ലെന്നും വിമർശനമുണ്ട്.
‘ഒരുതരത്തിലും അംഗീകരിക്കാൻ കഴിയില്ല’; സരൾ ബില്ല് എന്നാണ് പേരെങ്കിലും കരാള ബില്ലായി മാറുമെന്ന് പിണറായി വിജയൻ.ബിൽ ജനാധിപത്യവിരുദ്ധമാണെന്നും ഇതുമായി സഹകരിക്കാൻ കഴിയില്ലെന്നും വ്യക്തമാക്കിയ പ്രതിപക്ഷ നേതാവ്, പ്രതിപക്ഷം സഭ ബഹിഷ്കരിക്കുന്നതായി അറിയിച്ചു. അതേസമയം, പ്രതിപക്ഷത്തിന്റെ ആരോപണങ്ങൾക്ക് മറുപടിയുമായി വ്യവസായ മന്ത്രി പി.കെ. കുഞ്ഞാലിക്കുട്ടി രംഗത്തെത്തി. അനുമതിയില്ലാതെ വ്യവസായം തുടങ്ങാമെന്ന് പറഞ്ഞവരാണ് ഇപ്പോൾ മുദ്രാവാക്യം വിളിച്ച് സഭയിൽനിന്ന് ഇറങ്ങിപ്പോകുന്നതെന്ന് അദ്ദേഹം വിമർശിച്ചു. ഏത് പാടത്തും വ്യവസായം തുടങ്ങാമെന്നതായിരുന്നു എൽഡിഎഫിന്റെ നിലപാടെന്നും കുഞ്ഞാലിക്കുട്ടി കൂട്ടിച്ചേർത്തു.